Raat Bhi Tera Dhyan Bhi Hum Bhi
raat bhi tera dhyan bhi hum bhi
chand bhi aasman bhi hum bhi
apni apni ana ki qaid mein hain
KHali KHali makan bhi hum bhi
kho gae gum-rahi ke sahra mein
manzilon ke nishan bhi hum bhi
saya saya tamazaton ke hujum
dhup bhi saeban bhi hum bhi
ek sach ek wahima ek jhuT
wo bhi us ka guman bhi hum bhi
apni apni saqafaton ke amin
ghaalib-e-KHush-bayan bhi hum bhi
maslahat ke hisar mein ai 'mauj'
qaid urdu zaban bhi hum bhi
Mohammad Ali Mauj 
(543) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544