Bina Murghe Ke Par JhaTakti Hain
bina murghe ke par jhaTakti hain
murghiyan dar-ba-dar bhaTakti hain
nazm itrae to baja bhi hai
bi ghazal kis liye maTakti hain
ek hasid ki ek naqid ki
sar pe talwaren do laTakti hain
ye bhi shaer hain in ke baalon mein
fikr-o-fan ki juen bhaTakti hain
'alwi' ye goliyan hain shohrat ki
ye gale mein kahan aTakti hain
Mohammad Alvi 
(486) Peoples Rate This