KHud Apne Aks Ko Apni Nazar Mein Kya Rakhna
KHud apne aks ko apni nazar mein kya rakhna
ki hum ne chhoD diya ghar mein aaina rakhna
kisi ke peD ka saya na aa sake ghar mein
gharon ke bich mein itna to fasla rakhna
tamam umr hi chahe uDan mein guzre
parai shaKH pe hargiz na ghonsla rakhna
meri nazar bhi andheron se ub sakti hai
koi charagh to yaro jala hua rakhna
lo tum bhi shauq se 'aslam' se ehtiyat rakho
hamein bhi aa gaya apnon se fasla rakhna
Mohammad Aslam Khan Aslam 
(631) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544