Tajalliyon Se Andheron Ki Jang Jari Hai
tajalliyon se andheron ki jang jari hai
ujale surKH-ru hon ye dua hamari hai
jahan pe kal tha gulistan wo aaj maqtal hai
falak KHamosh hai phir dekhen kis ki bari hai
sar-e-niyaz jhukana mohabbaten dena
ye buz-dili nahin dar-asl KHaksari hai
rah-e-jumud se nafrat uDan ki KHwahish
haqiqatan ye zarurat hai jaan-nisari hai
ye gulistan hai hamari riyazaton ka samar
ise sanwarne mein sab ki hisse-dari hai
Mohammad Azhar Shams 
(790) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544