Jaane Chali Hai Kaisi Hawa Sare Shahr Mein
jaane chali hai kaisi hawa sare shahr mein
sochen huin saron se juda sare shahr mein
meri har ek arz hai na-mo'tabar yahan
us ka har ek hukm rawa sare shahr mein
sargoshiyan hain aur jhuke sar hain KHauf hai
sahmi hui hai KHalq-e-KHuda sare shahr mein
badli meri nigah ki chehre badal gae
koi bhi mo'atabar na raha sare shahr mein
pindar qaisari pe jo zarb ek lagi to phir
kandhon pe koi sar na raha sare shahr mein
KHamosh ho gae hain mere sare ham-nawa
zinda hai ek meri sada sare shahr mein
Mohammad Yaqoob Aasi 
(623) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544