Tujhko KHud Apne Hi Sae Pe Guman Guzra Hai
tujh ko KHud apne hi sae pe guman guzra hai
tera wahshi tere kuche se kahan guzra hai
jhilmilane lage fanus teri mahfil ke
koi parwana magar shoala-ba-jaan guzra hai
naghmagi nala-e-hijran main kahan se laun
soz-e-dil saz-e-bahaaran se kahan guzra hai
phul gulshan mein jigar-chaak nazar aate hain
sarw ke sae pe zindan ka guman guzra hai
gham ki jhankar mein shamil thi shikast-e-dil bhi
mere nalon pe taghazzul ka guman guzra hai
TimTimate hue dekhe hain sitaron ke charagh
kahkashan se abhi insan kahan guzra hai
Mohammed Nabi Khan Jamal Soveda 
(565) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544