Lakh Jalwe Hain Nigahon Mein Nazaron Ki Tarah
lakh jalwe hain nigahon mein nazaron ki tarah
dil ke gulshan mein wo aae hain bahaaron ki tarah
har ghaDi ek naya rang naya aalam hai
zindagi hai teri aankhon ke ishaaron ki tarah
zindagi phir kisi tufan se uljhegi zarur
honT KHamosh hain dariya ke kinaron ki tarah
kitni pur-nur hui jati hai ab manzil-e-shauq
naqsh-e-pa un ke chamakte hain sitaron ki tarah
shoala-e-ishq ka bujhna nahin aasan 'mohan'
ashk aankhon se Dhalakte hain shararon ki tarah
Mohan Javidani 
(584) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544