Jaanan Gae Dinon Ka Talluq Bahaal Kar
jaanan gae dinon ka talluq bahaal kar
aaina ban gaya hun meri dekh-bhaal kar
apni hi rahguzar ke bujhata hai kyun charagh
har raste se mera guzarna muhaal kar
ek roz aisa ho ki charaghon ke ru-ba-ru
kuchh mein hunar karun koi tu bhi kamal kar
tahwil-e-intizar mein kab tak rahegi aankh
mere supurd meri nazar ka maal kar
Dar hai kahin main dasht ki jaanib nikal na jaun
baiTha hun apne panw mein zanjir Dal kar
'mohsin' bure dinon mein naya dost kaun ho
hai jis ka pahla qarz usi se sawal kar
Mohsin Asrar 
(534) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544