Chaar Jaanib Se Sada Aai Meri
chaar jaanib se sada aai meri
shoabada ban gai tanhai meri
maut ko jab se muqabil dekha
zindagi ho gai shaidai meri
ab bhi yaran-e-girafta-dil ko
yaad hai anjuman-arai meri
lab-kushai se mili rifat-e-dar
kis bulandi pe hai goyai meri
raat phaili to sar-e-KHalwat-e-gham
be-karan ban gai tanhai meri
subh chamki to ghubar-e-shab se
be-muhabana sada aai meri
umr bhar mera muKHatib wo tha
baat jis ko na samajh aai meri
dil-e-nadan ne Duboya 'mohsin'
kaam kuchh aai na danai meri
Mohsin Ehsan 
(535) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544