Darun-e-zat Hujum-e-azab Thahra Hai
darun-e-zat hujum-e-azab Thahra hai
kahan ye silsila-e-iztirab Thahra hai
yahin ufuq se zaminen sawal karti hain
kahan KHalaon mein chhup kar jawab Thahra hai
badan-zamin mein aankhen ugai hain hum ne
badan-falak pe koi mahtab Thahra hai
isi jawab ke raste sawal aate hain
isi sawal mein sara jawab Thahra hai
siyah libas mein hum shab ke matami Thahre
siyah shab ki nahusat mein KHwab Thahra hai
Moid Rashidi 
(626) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544