DhaDkanon Ki Bas Zabani De Mujhe
dhaDkanon ki bas zabani de mujhe
ek pal ko zindagani de mujhe
chah kar jo na-mukammal ho saki
wo adhuri si ki kahani de mujhe
ho agar mumkin tujhe ai zindagi
aabshaaron si rawani de mujhe
bojh zaKHmon ka liye chalti rahun
yaad ki wo be-karani de mujhe
har bulandi se banen rahen nai
hausle kuchh aasmani de mujhe
faKHr se kirdar likkhenge mera
waqt aisi kaamrani de mujhe
Monika Singh 
(838) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544