Guman Ki Qaid-e-hisar-e-qayas Se Niklo
guman ki qaid-e-hisar-e-qayas se niklo
kisi tarah se bhi is sabz ghas se niklo
ye shahr-e-sang hai shahr-e-wafa nahin hai ye
agar nikalna hai hosh-o-hawas se niklo
wagarna waqt tumhein hashiye pe rakh dega
yaqin ke sehr se aashob-e-as se niklo
ye kaisa nashsha hai aaKHir jo TuTta hi nahin
koi pukar raha hai gilas se niklo
kahan talak main nigahon ko dun fareb apni
kabhi to gard-e-adam ke libas se niklo
'mubarak' aag ke dariya se bhi guzarna hai
dahakti dhup se sahra ki pyas se niklo
Mubarak Ansari 
(547) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544