Ishq Ki Chausar Kis Ne Kheli Ye To Khel Hamare Hain
ishq ki chausar kis ne kheli ye to khel hamare hain
dil ki bazi mat hui to jaan ki bazi haare hain
kaise kaise laKHt-e-jigar hain kya kya dil ke pare hain
aise lal kahan duniya mein jaise lal hamare hain
is ko mara us ko mara ye bismil wo TuT gaya
nok palak walon se Dariye qatil un ke ishaare hain
chhalni chhalni dil bhi jigar bhi rauzan rauzan sina bhi
ek nigah-e-naz ne teri tir hazaron mare hain
phunk raha hai soz-e-nihani kaun is aag pe Dale pani
dil ki lagi ne aag laga di dagh nahin angare hain
lala-ruKHon mein umr gizari dekhi un ki fasl-e-bahaar
aaj bhi gul se galon wale mujh ko 'mubarak' pyare hain
Mubarak Azimabadi 
(697) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544