Laga De Soz-e-mohabbat Phir Aag Sine Mein
laga de soz-e-mohabbat phir aag sine mein
maza phir aane lage dil-jalon ko jine mein
ba-KHair guzren ye do din bahaar ke ya-rab
ki rok Tok bahut ho rahi hai pine mein
khaTak rahi hai koi shai nikal de koi
taDap raha hai dil-e-be-qarar sine mein
chamak rahi hai ye bijli giregi tauba par
jhalak rahi hai mai-e-lala-fam mine mein
ye KHas waqton ke kuchh nala-ha-e-mauzun hain
hamare sher 'mubarak' nahin safine mein
Mubarak Azimabadi 
(913) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544