Haalat-e-haal Main Kya Ro Ke Sunaun Tujhko

haalat-e-haal main kya ro ke sunaun tujh ko

tu nazar aae to palkon pe biThaun tujh ko

KHud ko is hosh mein madhosh banane ke liye

aayat-e-husn paDhun dekhta jaun tujh ko

tu nahin manta miTTi ka dhuan ho jaana

to abhi raqs karun ho ke dikhaun tujh ko

kar liya ek mohabbat pe guzara main ne

chahta tha ki main pura bhi to aaun tujh ko

ab mera ishq dhamalon se kahin aage hai

ab zaruri hai ki main wajd mein laun tujh ko

kyun kisi aur ki aankhon ka qasida likkhun

kyun kisi aur ki midhat se jalaun tujh ko

ain mumkin hai tere ishq mein zam ho jaun

aur phir dhyan ki jannat mein na laun tujh ko

us ne ek bar mujhe pyar se bola tha 'said'

mera dil hai kabhi sine se lagaun tujh ko

(792) Peoples Rate This

Your Thoughts and Comments

Haalat-e-haal Main Kya Ro Ke Sunaun Tujhko In English By Famous Poet Mubashshir Saeed. Haalat-e-haal Main Kya Ro Ke Sunaun Tujhko is written by Mubashshir Saeed. Read famous Poem Haalat-e-haal Main Kya Ro Ke Sunaun Tujhko for youth and Student by Mubashshir Saeed. Free Download Haalat-e-haal Main Kya Ro Ke Sunaun Tujhko in PDF.