Baz-dasht
raegan waqt ke sannaTe mein
ek aawaz thi pili aawaz
koi dhaDkan thi guzishta-dil ki
gurba-e-shab ki chamakti aankhen
tak mein thin ki kahin se nikle
mosh-e-be-KHwab koi
band aaseb-zada darwaze
aap hi aap khule band hue
hujra-e-tar mein jaise koi
ruh bhaTki hui dar aai thi
ruh kab thi wo niri KHwahish thi
aag thi
aag pine ki hawas jag uThi
raegan waqt ke sannaTe mein
Mughni Tabassum 
(625) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544