Chor Chuhe Aur Bachche

gul abbas gulab chambeli

genda champa bela huhi

kal tak in se lade hue the

aaj udas khaDe hain paude

chuhe phul kutar jate hain

banjar ko zarKHez bana kar

kheton mein faslen lahra kar

jo khaliyanon ko bharta hai

wo kisan bhukon marta hai

ghalla to chuhe khate hain

bachcho aisa kab tak hoga

tum chahoge jab tak hoga

roko is sina-zori ko

mehnat-kash ko bhi khana do

chuhe tum se ghabraate hain