Raat-din Lab Pe Na Ho Kyunki Bayan-e-dehli

raat-din lab pe na ho kyunki bayan-e-dehli

na makin ab wo rahe aur na makan-e-dehli

baz maqtul hue bazon ne phansi pai

nam ko bhi na rahe pir-o-jawan-e-dehli

shikwa be-faeda karta hai kisi ka hamdam

tha muqaddar mein likha yun hi ziyan-e-dehli

nahin bazar-e-mohabbat mein KHaridari-e-dil

chhan Dali hai har ek main ne dukan-e-dehli

na wo arbab-e-tarab hain na wo hain ahl-e-nishat

han nazar aate hain kuchh marsiya-KHwan-e-dehli

ghamza tha aafat-e-jaan aur qayamat-qamat

ajab andaz ke the mah-ruKHan-e-dehli

ghis ke sandal ka lagana jinhen dard-e-sar tha

dil pe rakhte hain wo andoh-e-garan-e-dehli

farsh-e-gul pe jo jhijakte the qadam rakhte hue

chalte kanTon pe hain wo nazukanan-e-dehli

ghash pe ghash aate agar dekhte hazrat-yusuf

aise andaz ke the kaj-kulahan-e-dehli

jhuk gaya charKH KHajil ho ke qadam-bosi ko

us ne dekhi thi kabhi rifat-shan-e-dehli

hosh jate rahe tharra gai nar-e-dozaKH

pahunchi aflak pe jab aah-o-fughan-e-dehli

KHak jal-bhun ke to ho jaega charKH-e-bad-bin

nala kar baiThe jo dil-soKHtgan-e-dehli

kuchh ajab naqsha yahan ka nazar aata hai mujhe

kyunki dilli pe kiya jae guman-e-dehli

aur shahron ke karen lakh takalluf lekin

nahin hone ki mayassar ye zaban-e-dehli

hain nae rang nae rup jahan ke 'mehdi'

kaf-e-afsos hai aur lala-ruKHan-e-dehli

(682) Peoples Rate This

Sayed Mehdi Hussain Mehdi's More Poetry

Your Thoughts and Comments

Raat-din Lab Pe Na Ho Kyunki Bayan-e-dehli In English By Famous Poet Sayed Mehdi Hussain Mehdi. Raat-din Lab Pe Na Ho Kyunki Bayan-e-dehli is written by Sayed Mehdi Hussain Mehdi. Read famous Poem Raat-din Lab Pe Na Ho Kyunki Bayan-e-dehli for youth and Student by Sayed Mehdi Hussain Mehdi. Free Download Raat-din Lab Pe Na Ho Kyunki Bayan-e-dehli in PDF.