Raushni Ka Qalib Jab Tirgi Mein Dhalta Hai

raushni ka qalib jab tirgi mein Dhalta hai

KHwahishon ke sine mein mera dil machalta hai

regzar sochon ka surajon ki zad mein hai

jism aarzuon ka haule haule jalta hai

jab bhi koi hamrahi sath chhoD jata hai

muddaton KHayal us ka sath sath chalta hai

umr bhar ki qismat kab itna to Thahar jata

jitna ek muflis ke ghar charagh jalta hai

intizar ka sahra phailta hi jata hai

ek sarab ban kar wo raste badalta hai