Nigah-e-bad-guman Hai Aur Main Hun
nigah-e-bad-guman hai aur main hun
fareb-e-ashiyan hai aur main hun
sharik-e-be-kasi aae kahan se
zamin par aasman hai aur main hun
udhar kya ghurti hai kasmapursi
mera azm-e-jawan hai aur main hun
sarapa-gosh hai subh-e-shab-e-tar
kisi ki dastan hai aur main hun
ghuTa jata hai dam ai soz-e-ehsas
tah-e-daman dhuan hai aur main hun
hawadis ab jise chahen sarahen
nasib-e-dushmanan hai aur main hun
qafas naghmon se gunj uThta hai 'yaqub'
umid-e-KHush-bayan hai aur main hun
Yaqoob Usmani 
(1113) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544