HonTon Ke Sahifon Pe Hai Aawaz Ka Chehra
honTon ke sahifon pe hai aawaz ka chehra
saya sa nazar aata hai har saz ka chehra
aankhon ki guphaon mein taDapti hai KHamoshi
KHwabon ki dhanak hai mere hamraaz ka chehra
main waqt ke kohram mein kho jaun to kya gham
DhunDega zamana meri aawaz ka chehra
suraj ke badan se nikal aae hain sitare
anjam mein bedar hai aaghaz ka chehra
palken hain ki sargoshi mein KHushbu ka safar hai
aankhon ki KHamoshi hai ki aawaz ka chehra
Yusuf Azmi 
(976) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544