SimTe Rahe To Dard Ki Tanhaiyan Milin
simTe rahe to dard ki tanhaiyan milin
jab khul gae to dahr ki ruswaiyan milin
KHwabon ke ishtihaar the diwar-e-jism par
dil ko har ek moD pe be-KHwabiyan milin
honTon ko chumti thin munawwar KHamoshiyan
barfab si guphaon mein sargoshiyan milin
dushwar raston pe to kuchh aur baat thi
yun dil ko moD moD pe aasaniyan milin
jo hath apna nam bhi likh kar na ji saka
us hath ko hayat ki sardariyan milin
Yusuf Azmi 
(873) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544