Dil Mein Jab Kabhi Teri Yaad So Gai Hogi

dil mein jab kabhi teri yaad so gai hogi

chand bujh gaya hoga raat ro paDi hogi

kya KHabar ki aise mein tum ne kya kiya hoga

mujh se tark-e-ulfat ki baat jab chali hogi

be-qarar duniya mein tere lauT aane tak

jagti tamanna bhi thak ke so chuki hogi

kaun aise qisson ka iKHtitam chahega

jin mein teri zulfon ki baat aa gai hogi

aap kyun pareshan hain aap to nahin roe

aap ki nigahon mein meri bebasi hogi

(1125) Peoples Rate This

Your Thoughts and Comments

Dil Mein Jab Kabhi Teri Yaad So Gai Hogi In English By Famous Poet Yusuf Taqi. Dil Mein Jab Kabhi Teri Yaad So Gai Hogi is written by Yusuf Taqi. Read famous Poem Dil Mein Jab Kabhi Teri Yaad So Gai Hogi for youth and Student by Yusuf Taqi. Free Download Dil Mein Jab Kabhi Teri Yaad So Gai Hogi in PDF.