Tu KHud Bhi Nahin Aur Tera Sani Nahin Milta

tu KHud bhi nahin aur tera sani nahin milta

paigham tera teri zabani nahin milta

main bich samundar mein hun aur pyas se betab

pine ko to ek bund bhi pani nahin milta

duniya ke karishmon mein muamma to yahi hai

duniya ke karishmat ka bani nahin milta

mera bhi to ek dost tha gham banTne wala

ab dasht-e-bala mein wahi jaani nahin milta

jo marta hai ji uThta hai wo rup badal kar

mujh ko to yahan koi bhi fani nahin milta

shahkar si taswir meri koi banata

bahzad mayassar nahin mani nahin milta

kabe ke kisi goshe mein mil jaega shayad

but-KHane mein firdaus-makani nahin milta

uslub purane hain to alfaz hain be-rang

nadir sa 'zafar' tarz-e-lisani nahin milta

(587) Peoples Rate This

Your Thoughts and Comments

Tu KHud Bhi Nahin Aur Tera Sani Nahin Milta In English By Famous Poet Zafar Hameedi. Tu KHud Bhi Nahin Aur Tera Sani Nahin Milta is written by Zafar Hameedi. Read famous Poem Tu KHud Bhi Nahin Aur Tera Sani Nahin Milta for youth and Student by Zafar Hameedi. Free Download Tu KHud Bhi Nahin Aur Tera Sani Nahin Milta in PDF.