Sar-burida Hua Muqabil Hai
sar-burida hua muqabil hai
sab ki aankhon mein KHauf shamil hai
tha muhafiz kabhi yahi insan
aaj insaniyat ka qatil hai
bastiyan phunkna jalana ghar
kya yahi aadmi ka hamil hai
waqt kab us ka sath deta hai
rose farda se jo ki ghafil hai
jis ne baKHsha tha zindagi ko farogh
ab wo dahshat-garon mein shamil hai
Zafar Iqbal Zafar 
(775) Peoples Rate This