Humne Aawaz Na Di Barg O Nawa Hote Hue

hum ne aawaz na di barg o nawa hote hue

aur milne na gae us ka pata hote hue

aankh ke ek ishaare se kiya gul us ne

jal raha tha jo diya itni hawa hote hue

ek patta sa larazta hun sar-e-shaKH-e-guman

apne har-su koi tufan-e-bala hote hue

chal rahe hote hain dhaare kai dariya mein so hum

sab mein shamil bhi rahe sab se juda hote hue

waqt par aa ke baras to gae baadal lekin

der hi lag gai jangal ko hara hote hue

hum bhala dad-e-suKHan kyun nahin chahenge ki wo

aap tarif ka talib hai KHuda hote hue

kuchh hamein bhi KHabar is ki na hui KHas ki hum

kya se kya hote gae asl mein kya hote hue

baat ka aur bhi ho sakta hai matlab aur phir

lafz tabdil bhi hota hai ada hote hue

kya zamana hai ki is gumbad-e-be-dar mein 'zafar'

apni aawaz ko dekha hai fana hote hue

(1133) Peoples Rate This

Your Thoughts and Comments

Humne Aawaz Na Di Barg O Nawa Hote Hue In English By Famous Poet Zafar Iqbal. Humne Aawaz Na Di Barg O Nawa Hote Hue is written by Zafar Iqbal. Read famous Poem Humne Aawaz Na Di Barg O Nawa Hote Hue for youth and Student by Zafar Iqbal. Free Download Humne Aawaz Na Di Barg O Nawa Hote Hue in PDF.