Ba-zahir Yun To Main SimTa Hua Hun

ba-zahir yun to main simTa hua hun

agar socho to phir bikhra hua hun

mujhe dekho tasawwur ki nazar se

tumhaari zat mein utra hua hun

suna de phir koi jhuTi kahani

main pichhli raat ka jaga hua hun

kabhi bahta hua dariya kabhi main

sulagti ret ka sahra hua hun

jab apni umr ke logon mein baiThun

ye lagta hai ki main buDha hua hun

kahan le jaegi 'tabish' na jaane

hawa ke dosh par Thahra hua hun

(420) Peoples Rate This

Your Thoughts and Comments

Ba-zahir Yun To Main SimTa Hua Hun In English By Famous Poet Zafar Tabish. Ba-zahir Yun To Main SimTa Hua Hun is written by Zafar Tabish. Read famous Poem Ba-zahir Yun To Main SimTa Hua Hun for youth and Student by Zafar Tabish. Free Download Ba-zahir Yun To Main SimTa Hua Hun in PDF.