Kufr Mein Bhi Hum Rahe Qismat Se Iman Ki Taraf
kufr mein bhi hum rahe qismat se iman ki taraf
shukr hai kaba bhi nikla ku-e-jaanan ki taraf
kuchh asiran-e-qafas ke baKHt hi bargashta hain
bu-e-gul phir phir gai ulTi gulistan ki taraf
dekhte mar kar kisi par lutf-e-umr-e-jawidan
kyun gae KHizr o sikandar aab-e-haiwan ki taraf
dekhiye kya gul khilae fasl-e-gul aati to hai
hath abhi se dauDte hain jaib o daman ki taraf
rashk kahta hai ki ponchhe honge us se ashk-e-ghair
hath uTh kar rah gaya sau bar daman ki taraf
Zaheer Dehlvi 
(1138) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544