Un Ko Haal-e-dil-e-pur-soz Suna Kar UTThe
un ko haal-e-dil-e-pur-soz suna kar uTThe
aur do-chaar ke ghar aag laga kar uTThe
tum ne pahlu mein mere baiTh ke aafat Dhai
aur uThe bhi to ek hashr uTha kar uTThe
wada-e-wasl se hai nash pe aane ki ummid
muzhda-e-qatl mera mujh ko suna kar uTThe
munh chhupane mein to hai sharm o haya ka parda
han magar dil bhi nigah tha ki chura kar uTThe
aaj aae the ghaDi bhar ko 'zahir'-e-nakaam
aap bhi roe hamein sath rula kar uTThe
Zaheer Dehlvi 
(1021) Peoples Rate This