Aariz-e-shama Pe Nind Aa Gai Parwanon Ko

aariz-e-shama pe nind aa gai parwanon ko

KHwab se ab na jagae koi diwanon ko

un ko malum hai rindon ki tamanna kya hai

aks-e-ruKH Dal ke bhar dete hain paimanon ko

ai dil-e-zar udhar chal ye tazabzub kya hai

wo to aankhon pe uTha lete hain mehmanon ko

wo bhi mutlashi-e-yak-jalwa-e-gum-gashta hain

hum ne nazdik se dekha hai pari-KHanon ko

ho gae saf ayan ruh-o-badan ke nasur

raushni mar gai aaj ke insanon ko

un ke har chaak se tanwir-e-wafa phuTegi

jashn-e-farda mein sajaenge garebanon ko

qalam-e-dar se tahrir-e-rasan se hum ne

ek naya moD diya ishq ke afsanon ko

josh dariya ke qarain ye batate hain 'zahir'

mauj kha jaegi sahil ke shabistanon ko

(613) Peoples Rate This

Your Thoughts and Comments

Aariz-e-shama Pe Nind Aa Gai Parwanon Ko In English By Famous Poet Zaheer Kashmiri. Aariz-e-shama Pe Nind Aa Gai Parwanon Ko is written by Zaheer Kashmiri. Read famous Poem Aariz-e-shama Pe Nind Aa Gai Parwanon Ko for youth and Student by Zaheer Kashmiri. Free Download Aariz-e-shama Pe Nind Aa Gai Parwanon Ko in PDF.