Hum Izafi MiTTi Se Bane

raushni qatl hui

to jism KHali ho gae

zindagi ka ghubar hi hamara hasil hai

hum ne parae-gharon ki raj-giri ki

aur apni chhat ke KHwab dekhe

hamein kab malum tha

soi dukanon ki siDhiyan hamara takiya hain

hamare nam izafi miTTi par likhe gae

aur hum faqat logon ko dohraate rahe

hum be-ehtiyat lamhon ka qisas nahin the

hum halal ke the

magar beghar paida hue