Kaun Kahta Tha Ki Ye Bhi Hausla Ho Jaega
kaun kahta tha ki ye bhi hausla ho jaega
'mir' o 'ghaalib' se hamara silsila ho jaega
hum chale hain kucha-e-qatil ko ye soche baghair
tum na aao sath tab bhi qafila ho jaega
jis qalandar ne rakha Thokar mein taKHt-o-taj ko
wo zara sa sar hila de zalzala ho jaega
bad-duaon ne mujhe mahfuz rakkha aaj tak
tum dua dene lage to masala ho jaega
Zahidul Haque 
(911) Peoples Rate This