Chiz Jo Bhul Kar Gai Hui Thi

chiz jo bhul kar gai hui thi

lauTne par wahin paDi hui thi

bap aur bhaiyon ke hote hue

apne pairon pe KHud khaDi hui thi

kitne ghanTon ka KHwab dekhna hai

hath mein to ghaDi bandhi hui thi

main ne ahbab se kinara kiya

mujh ko paison ki jab kami hui thi

kai salon mein burqa chhoTa tha

baDi mushkil se raushni hui thi

suraKH-ru kis tarah na hote wo

sath bachchon ke man lagi hui thi

teri tenshan mein pina bhul gai

chae to samne rakhi hui thi