Us Ka KHayal Dil Mein GhaDi Do GhaDi Rahe
us ka KHayal dil mein ghaDi do ghaDi rahe
phir is ke baad mez pe chae paDi rahe
aisa nahin ki hum karen baaten na be-hisab
lekin ye kya ki kil si dil mein gaDi rahe
phir ghar mein ek aahani pinjra dikhai de
khiDki mein kafi der jo laDki khaDi rahe
bikhri ho jaise chandni barg-e-gulab par
muskan us ke honTon pe aaise paDi rahe
dil mein KHushi ke phuTte yunhi rahen anar
teri hansi ki yunhi sada phuljaDi rahe
khiDki to 'shaz' band main karta hun bar bar
lekin hawa-e-shauq ki zid par aDi rahe
Zakariya Shaz 
(1388) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544