Tang Kamron Mein Hai Mahbus Faza Ka Matlab

tang kamron mein hai mahbus faza ka matlab

kaun samjhega yahan taza hawa ka matlab

phul se chehre pe bhi lafz-ba-lafz ubhra hai

zard hoti hui tahrir-e-hina ka matlab

aankhen KHwabon ke waraq chehra haqiqat ki kitab

hum hi KHud paDh na sake us ki wafa ka matlab

reg-e-sahil pe qalam-band kiya hai kis ne

shab ke jismon ka bayan raqs-e-saba ka matlab

rang-e-hairat mein paDe hain nahin wazeh hota

taza phulon pe kisi aabla-pa ka matlab

(1204) Peoples Rate This

Your Thoughts and Comments

Tang Kamron Mein Hai Mahbus Faza Ka Matlab In English By Famous Poet Zakauddin Shaya.n. Tang Kamron Mein Hai Mahbus Faza Ka Matlab is written by Zakauddin Shaya.n. Read famous Poem Tang Kamron Mein Hai Mahbus Faza Ka Matlab for youth and Student by Zakauddin Shaya.n. Free Download Tang Kamron Mein Hai Mahbus Faza Ka Matlab in PDF.