Saghar-o-jam Ko Chhalkao Ki Kuchh Raat KaTe

saghar-o-jam ko chhalkao ki kuchh raat kaTe

jam ko jam se Takrao ki kuchh raat kaTe

khae jati hai ye tanhai ye tariki-e-shab

do ghaDi ke liye aa jao ki kuchh raat kaTe

chup tumhaari mujhe diwana bana deti hai

aaj lillah na sharmao ki kuchh raat kaTe

han ye wada raha ab phir nahin rokenge kabhi

aaj kuchh der Thahar jao ki kuchh raat kaTe

saz-o-naghma hi sahi han mai-o-mina hi sahi

saqiya jam hi bhar lao ki kuchh raat kaTe

ai 'zaki' hijr ki raaten nahin kaTe kaTtin

koi achchhi si ghazal gao ki kuchh raat kaTe

(605) Peoples Rate This

Your Thoughts and Comments

Saghar-o-jam Ko Chhalkao Ki Kuchh Raat KaTe In English By Famous Poet Zaki Kakorvi. Saghar-o-jam Ko Chhalkao Ki Kuchh Raat KaTe is written by Zaki Kakorvi. Read famous Poem Saghar-o-jam Ko Chhalkao Ki Kuchh Raat KaTe for youth and Student by Zaki Kakorvi. Free Download Saghar-o-jam Ko Chhalkao Ki Kuchh Raat KaTe in PDF.