Teri Justuju Teri Aarzu Mujhe Kaam Tere Hi Kaam Se

teri justuju teri aarzu mujhe kaam tere hi kaam se

tu hi zindagi ka hai muddaa mera nam tere hi nam se

tera husn hai meri zindagi tera ishq hai meri aashiqi

teri fikr hai meri shairi tera zikr mere kalam se

tere husn ne ye ghazab kiya ki har ahl-e-dil hua mubtala

jise dekha tera hi said tha na koi bacha tere dam se

gai aadhi raat guzar magar na to aae KHud na li kuchh KHabar

main taDap raha hun idhar udhar yunhi intizar mein sham se

mere dilruba mere dilruba na ye lutf hai na koi ata

agar aana hai to phir aa bhi ja na yun jhank rauzan-e-baam se

ye ghalat hai kufr hai saqiya mujhe tera hi raha aasra

tu pila pila tu pila pila nahin ijtinab haram se

main wo tishna-lab hun ki saqiya hai azal se KHushk mera gala

na zaban ko mai ka mila maza na lab-ashna hue jam se

tera soz-e-ishq hai zindagi tera jazb-e-husn hai be-KHudi

tujhe pa ke KHush hai tera 'zaki' nahin kaam aish-e-dawam se

(613) Peoples Rate This

Your Thoughts and Comments

Teri Justuju Teri Aarzu Mujhe Kaam Tere Hi Kaam Se In English By Famous Poet Zaki Kakorvi. Teri Justuju Teri Aarzu Mujhe Kaam Tere Hi Kaam Se is written by Zaki Kakorvi. Read famous Poem Teri Justuju Teri Aarzu Mujhe Kaam Tere Hi Kaam Se for youth and Student by Zaki Kakorvi. Free Download Teri Justuju Teri Aarzu Mujhe Kaam Tere Hi Kaam Se in PDF.