Tu Pasheman Na Ho Main Shad Hun Nashad Nahin
tu pasheman na ho main shad hun nashad nahin
zindagi tera karam hai teri bedad nahin
wo sanam-KHana-e-dil ho ki guzar-gah-e-KHayal
main ne tujh ko kahin dekha hai magar yaad nahin
dekh ai KHak-e-pareshani-e-KHatir meri
tu ne samjha tha ki tujh sa koi barbaad nahin
DhunDti phirti hain jaane meri nazren kis ko
aisi basti mein jahan koi bhi aabaad nahin
kab hamein apni udasi ki KHabar thi ai 'zeb'
muskurae hain to dekha hai ki dil shad nahin
Zeb Ghauri 
(1206) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544