Wo Aur Mohabbat Se Mujhe Dekh Raha Ho
wo aur mohabbat se mujhe dekh raha ho
kya dil ka bharosa mujhe dhoka hi hua ho
hoga koi is dil sa bhi diwana ki jis ne
KHud aag lagai ho bujhane bhi chala ho
ek nind ka jhonka shab-e-gham aa to gaya tha
ab wo tere daman ki hawa ho ki saba ho
dil hai ki teri yaad se KHali nahin rahta
shayad hi kabhi main ne tujhe yaad kiya ho
'zeb' aaj hai be-kaif sa kyun chand na jaane
jaise koi TuTa hua paimana paDa ho
Zeb Ghauri 
(1158) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544