Hisab
sab se pahle
hum mohabbat ko farz kar lete hain
phir apne KHwabon se
use zarb dete hain
jawab mein hamari zindagi
hamein nahin milti
hum ek bar phir
mohabbat ko farz kar lete hain
aur is dafa mohabbat ko
KHauf se taqsim kar dete hain
jawab mein kuchh hasil nahin hota
hum aaKHiri bar mohabbat ko farz karte hain
aur is mein se apne KHwab
aur KHauf ghaTa lete hain
hamari zindagi hamein mil jati hai
mohabbat ke hisab mein
ek se ziyaada chizen
farz nahin ki ja saktin
aur farz ki hui chiz mein
hum apne KHwab
ya kuchh aur jama nahin kar sakte
Zeeshan Sahil 
(998) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544