Nigahon Mein Ye Kya Farma Gai Ho
nigahon mein ye kya farma gai ho
meri sanson ke tar uljha gai ho
dar-o-diwar mein hai ajnabiyat
main KHud bhi kho gaya tum kya gai ho
pareshan ho gae tabir se KHwab
ki jaise kuchh badal kar aa gai ho
tamanna intizar-e-dost ke baad
kali jaise koi murjha gai ho
ye aansu ye pashemani ka izhaar
mujhe ek bar phir bahka gai ho
'ziya' wo zindagi kya zindagi hai
jise KHud maut bhi Thukra gai ho
Zia Jalandhari 
(1218) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544