Junun-e-ishq-e-sar Bedar Bhi Hai
junun-e-ishq-e-sar bedar bhi hai
ghurur-e-baada-e-sarshaar bhi hai
KHayal-e-turra-e-shab-rang mujh ko
kabhi ek saya-e-diwar bhi hai
mujhe taslim ye gardun-rakabi
bulandi ek faraaz-e-dar bhi hai
ye asr-e-nau ka shauq-e-chaara-sazi
pae-darman gham-e-bimar bhi hai
tamiz-e-KHar-o-gul dastur-e-gulchin
nigah-e-baghban mein KHar bhi hai
chaman mein khul gain nargis ki aankhen
bayan-e-KHwab mein jhankar bhi hai
Ziauddin Ahmad Shakeb 
(961) Peoples Rate This