Bhuli-bisri Hui Yaadon Mein Kasak Hai Kitni
bhuli-bisri hui yaadon mein kasak hai kitni
Dubti sham ke atraf chamak hai kitni
manzar-e-gul to bas ek pal ke liye Thahra tha
aati jati hui sanson mein mahak hai kitni
gir ke TuTa nahin shayad wo kisi patthar par
us ki aawaz mein tabinda khanak hai kitni
apni har baat mein wo bhi hai hasinon jaisa
us sarape mein magar nok-palak hai kitni
jate mausam ne jinhen chhoD diya hai tanha
mujh mein un TuTte patton ki jhalak hai kitni
Zubair Rizvi 
(1934) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544