Musalahat

main bhi na puchhun tum bhi na puchho

mere mazi ki peshani

kitne buton ko puj chuki hai

kitne sajdon ki tabani

chaukhaT chaukhaT banT chuki hai

mere mazi ke taqon mein

kitni shamen pighal chuki hain

kitne daman KHak hue hain

tum bhi na puchho main bhi na puchhun

tum ne ye shadab jawani

kaise aur kis tarah guzari

in aankhon ke paimanon mein

kitne aks utare tum ne

kitne KHwab sajae tum ne

shahar ke kitne diwanon se

qaul-o-qasam iqrar kiye hain

kitne gareban chaak hue hain

tum bhi na puchho main bhi na puchhun

wo dekho wo kal hai hamara

chhoTa sa ghar saja-sajaya

hum tum baiThe ek kamre mein

tash ki bazi khel rahe hain

(578) Peoples Rate This

Your Thoughts and Comments

Musalahat In English By Famous Poet Zubair Rizvi. Musalahat is written by Zubair Rizvi. Read famous Poem Musalahat for youth and Student by Zubair Rizvi. Free Download Musalahat in PDF.