Dil Mein Rahta Hai Koi Dil Hi Ki KHatir KHamosh

dil mein rahta hai koi dil hi ki KHatir KHamosh

jaise taswir mein baiTha ho musawwir KHamosh

dil ki KHamoshi se ghabra ke uThata hun nazar

ek aawaz si aati hai musafir KHamosh

is taaruf ka na aaghaz na anjam koi

kar diya ek KHamoshi ne mujhe phir KHamosh

kuchh na sun kar bhi to kahna hai ki han sunte hain

kuchh na kah kar bhi to hona hai bil-aKHir KHamosh

Dub sakti hai ye kashti teri sargoshi se

ai mere KHwab mere hami-o-nasir KHamosh

chyunTiyan reng rahi hain kahin andar 'adil'

hum hain diwar ke manind ba-zahir KHamosh

(1035) Peoples Rate This

Your Thoughts and Comments

Dil Mein Rahta Hai Koi Dil Hi Ki KHatir KHamosh In English By Famous Poet Zulfiqar Aadil. Dil Mein Rahta Hai Koi Dil Hi Ki KHatir KHamosh is written by Zulfiqar Aadil. Read famous Poem Dil Mein Rahta Hai Koi Dil Hi Ki KHatir KHamosh for youth and Student by Zulfiqar Aadil. Free Download Dil Mein Rahta Hai Koi Dil Hi Ki KHatir KHamosh in PDF.