Gum-karda-rah KHak-basar Hun Zara Thahar

gum-karda-rah KHak-basar hun zara Thahar

ai tez-rau ghubar-e-safar hun zara Thahar

raqs-e-numud yak do nafas aur bhi sahi

dosh-e-hawa pe misl-e-sharar hun zara Thahar

apna KHiram tez na kar ai nasim-e-zist

bujhne ko hun charagh-e-sahar hun zara Thahar

wo din qarib hai ki mein aankhon ko mund lun

yani halak-e-zauq-e-nazar hun zara Thahar

ai dost meri talKH-nawai pe tu na ja

shirin misal-e-KHwab-e-sahar hun zara Thahar

jis rah se uTha hun wahin baiTh jaunga

main karwan ki gard-e-safar hun zara Thahar

ai shahsawar-e-husn mujhe raund kar na ja

wamanda misl-e-rahguzar hun zara Thahar

ai aaftab-e-husn meri kya bisat hai

daryuza-gar hun nur-e-qamar hun zara Thahar

mauhum si umid hun mujh se gurez kya

apni kisi dua ka asar hun zara Thahar

(713) Peoples Rate This

Your Thoughts and Comments

Gum-karda-rah KHak-basar Hun Zara Thahar In English By Famous Poet Zulfiqar Ali Bukhari. Gum-karda-rah KHak-basar Hun Zara Thahar is written by Zulfiqar Ali Bukhari. Read famous Poem Gum-karda-rah KHak-basar Hun Zara Thahar for youth and Student by Zulfiqar Ali Bukhari. Free Download Gum-karda-rah KHak-basar Hun Zara Thahar in PDF.