Safar Ke Baad Bhi Mujhko Safar Mein Rahna Hai
safar ke baad bhi mujh ko safar mein rahna hai
nazar se girna bhi goya KHabar mein rahna hai
abhi se os ko kirnon se pi rahe ho tum
tumhein to KHwab sa aankhon ke ghar mein rahna hai
hawa to aap ki qismat mein hona likkha tha
magar main aag hun mujh ko shajar mein rahna hai
nikal ke KHud se jo KHud hi mein Dub jata hai
main wo safina hun jis ko bhanwar mein rahna hai
tumhaare baad koi rasta nahin milta
to tai hua ki udasi ke ghar mein rahna hai
jala ke kaun mujhe ab chale kisi ki taraf
bujhe diye ko to 'adil' khanDar mein rahna hai
Aadil Raza Mansoori 
(2151) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544