Wahi Aangan Wahi KhiDki Wahi Dar Yaad Aata Hai
wahi aangan wahi khiDki wahi dar yaad aata hai
akela jab bhi hota hun mujhe ghar yaad aata hai
meri be-saKHta hichki mujhe khul kar batati hai
tere apnon ko ganw mein to akasr yaad aata hai
jo apne pas hon un ki koi qimat nahin hoti
hamare bhai ko hi lo bichhaD kar yaad aata hai
saphalta ke safar mein to kahan fursat ki kuchh sochen
magar jab choT lagti hai muqaddar yaad aata hai
may aur june ki garmi badan se jab Tapakti hai
nowember yaad aata hai december yaad aata hai
Aalok Shrivastav 
(3208) Peoples Rate This