Ek Karb-e-musalsal Ki Saza Den To Kise Den

ek karb-e-musalsal ki saza den to kise den

maqtal mein hain jine ki dua den to kise den

patthar hain sabhi log karen baat to kis se

is shahr-e-KHamoshan mein sada den to kise den

hai kaun ki jo KHud ko hi jalta hua dekhe

sab hath hain kaghaz ke diya den to kise den

sab log sawali hain sabhi jism barahna

aur pas hai bas ek rida den to kise den

jab hath hi kaT jaen to thamega bhala kaun

ye soch rahe hain ki asa den to kise den

bazar mein KHushbu ke KHaridar kahan hain

ye phul hain be-rang bata den to kise den

chup rahne ki har shaKHs qasam khae hue hai

hum zahr bhara jam bhala den to kise den

(657) Peoples Rate This

Your Thoughts and Comments

Ek Karb-e-musalsal Ki Saza Den To Kise Den In English By Famous Poet Aanis Moin. Ek Karb-e-musalsal Ki Saza Den To Kise Den is written by Aanis Moin. Read famous Poem Ek Karb-e-musalsal Ki Saza Den To Kise Den for youth and Student by Aanis Moin. Free Download Ek Karb-e-musalsal Ki Saza Den To Kise Den in PDF.