KHak Se The KHak Se Hi Ho Gae
KHak se the KHak se hi ho gae
aasman ko oDh kar hum so gae
zindagi likh di KHuda ne ret par
hum samundar ban ke is ko dho gae
kis liye ajdad ko ilzam den
un se jo bhi ban paDa wo bo gae
justuju thi aasmanon ki jinhen
wo zamin ki god mein gum ho gae
kaun puchhe ek musafir ko jahan
karwan ke karwan hi kho gae
Aazim Kohli 
(1437) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544